Next PageUsa ka adlaw pipila ka tuig ang niadto ang nakalabay, nga ako nagapanghunahuna nga adunay pipila ka mga pelikula o cartoons nga pasundayag nga produkto sa kalibutan nga akong nahunahunaan nga makapasundayag ako sa akong diotay nga pamilya sa “kalingawan” sa gabii. Miadto ako sa usa ka video store ug nagsugod ako tan-aw sa daghan ug nagkalainlain nga movies o pelikula; Samtang nagapamili ako, Gipangutana ko ang akong kaugalingon, “Kini ba nag-aghat kanako sa paghunahuna sa balaan nga hunahuna ug naghimaya sa Dios? “ Nan, kana nagasalikway sa tanan nga “cops and robbers” movies, ug tanan nga children’s cartoons(puno sa kapintas, pagbakak, tinalawan, pagpanglimbong, ug pagkawalay batasan, ug uban pa.), ang tanan nga movies o pelikula nga mahitungod sa “panimalay o pamilya” (walay tatay, walay pamilya, ug wala usab Biblia), tanan nalang “westerns” (puno sa mga saloons, kapintas, mga babaye, walay panahon moadto ug simbahan, walay pagtoon sa Biblia, ug wala usab nga panahon sa pag-ampo), ang tanan nga Andy Griffith Show nagabalikbalik(walay disiplina, walay pag-ampo, walay Jesus, ug walay Biblia – labihan gayud ka daotan nga pilosopiya mahitungod sa pag-amuma ug bata), u gang tanan nga “religious Hollywood movies parehas sa The Ten Commandments o Napulo ka Sugo(nga nasipyat dili sumala sa kasulatan; adunay pagsinayaw, mahilas o dili maligdong nga panapot ug mahaylohon o mabihagon nga asawa ni Paraon, ug uban pa.).
Gibiyaan ko ang store o baligyaanan ug pelikula nga dala ko ang kopya sa The Ten Commandments o Napulo ka Sugo, ug unya nasub-an gayud ako kaayo pagkatapus tan-aw. Nangayo ako dayon ug pasaylo sa Ginoo, tapus ko nagtan-aw niadtong usa ka basura nga Biblical Story nga akong nakita. Dili pagtuguti nga ang Hollywood maga-inpluwensiya sa imo maputli nga panghunahuna ug dili usab pag-itugot nga ang Disney magmando sa imo kabataan kung unsang paagiha sila magapanghunahuna. Ang tanan nga cartoons adunay pilosopiya nga nagasupak gilayon batok sa Biblia. Hain na ang pagkabalaan sa Dios kanila??? Hain na ang matarung nga hunahuna o panghunahuna sa Dios kanila? Unsaon nila pagtabang sa pagpalambo sa ebanghelyo??? Sa unsang paagiha kini nagapadool kanimo sa Ginoo o nag-aghat ba kini kanimo nga mag-ampo pa gayud ug dugang o magbasa pa gayud ug dugang sa imo Bibliya??? Hain na ang gitudlo nga katagbawan ug pagsupak sa kaugalingon nga unodnon nga kailibgon(commercials nagapanganak ug walay katagbawan)? Pila kabook nga kabataan nga wala gipanumbaling sa ila mga amahan ug mga inahan nga nagakalaglag sila sa ila kinaham nga “filthcom o kahugawancom” o “sincom o salacom”???????
Basaha kini nga mga bersikulo ug unya magtan-aw ka sa imo telebisyon ug sultihi ako nga kung kini nakatabang gayud kanimo sa “pagpalig-on sa balat-ang o dapidapi sa imo panghunahuna” ingon nga gimando dinhi.
Mga Taga- Roma 12:2 nag-ingon kanato, “Ug dili kamo magpahiuyon niining kalibutan: kondili manag-usab o managbalhin kamo pinaagi sa pagbag-o sa inyo salabutan(diha sa Pulong sa Dios), aron inyong hinsayran kung unsa ang maayo, ug madawat o kahimut-an, ug hingpit nga kabubut-on sa Dios.”
Si Jesus nagpamulong mahitungod sa imong panghunahuna sa Lukas 12:34 “Kay kung hain ang inyong bahandi (nga gihanduraw diha sa panghunahuna), didto man ang inyo kasingkasing usab.” Bersikulo 35 nagpadayon sa pag-ingon, “Baksan ninyo ang inyong mga hawak o balat-ang o dapidapi, ug pasigahon ang inyong mga lamparahan.” Matag-usa ka sala nga nahimo nagsugod ug gitimbangtimbang sa panghunahuna. Mao kini ang hinungdan kung ngano nga gisulti gayud kanato ni Pablo kini nga makita sa Mga Taga- Roma 16:19, “… apan buot ko nga magmakinaadmanon kamo mahitungod sa maayo, apan inocente mahitungod sa dautan.” Sa higayon nga midaghan ang kahugawan o kangil-aran, dili husto nga pilosopiya o sayup nga pilosopiya, pagkakalibutanon, pagkahubo, pagkaunodnon, mahilas nga sulti, ug kakulang sa katagbawan nga mao ang natanom sa mga panghunahuna sa mga Cristohanon, mao ng masayon ra gayud kang Satanas maghimo nianang Cristohanona nga mahulog sa pagpakasala ug madala sa pagsimang gikan sa matood nga dalan paingon sa kalibutan, ug malisud pa gayud para sa usa ka Cristohanon magakinabuhi sa pagkabalaan. Kini nga brainwashing hilabihan gayud kamahinungdanon tungod ang atong panghunahuna dili sama sa panghunahuna sa Dios, nga sa Isaias 55:8 nagsulti o naghisgot kanato nga ang Dios wala nagapanghunahuna nga ingon kanato; apan naangkon nato ang panghunahuna ni Cristo (1 Mga Taga-Corinto 2:16, nga kini makita gayud sa Iya Pulong, ug mao kini ang atong buluhaton ang pagtoon (2Timoteo 2:15) sa pagpakita sa atong kaugalingon nga nahamut-an sa Dios.
Sa dihang atong gitugutan ang Pulong sa Dios , ang atong panghunahuna ug panan-aw nagbag-o sa dihang atong nahibaloan sumala sa atong nabasa nga kita lumalangyaw ug dumudoong niining kalibutan ug nga ang atong kinabuhi nahisama lamang sa aso; nga dili kita magtipon ug bahandi (nagakabalaka mahitungod sa puhunan , ug uban pa.); nga sa higayon nga mas nagakabuhi nga kalibutanon ug ang sa kinabuhi nga natudloan o na doktrinahan ni Satanas mismo, Kinsa, nga sa mao nga bahin o labot pa, siya mao ang amahan sa tanan nga nagalakip diha sa programming!!!