Pipila Sa Mga Madali Nga Hinungdan Ngano Nga Imo gayud Nga Isalibay ang Imo (TV) Telebisyon alang sa Dios (Maayo)!

Ang labing kahibulungan nga gimugna sa tawo mao gayud kining usa, ang labing makadaut nga kahimanan nga mao ang hinungdan sa bug-os nga pag-usab sa himbangkaagan ug batasan sa kalibutan.Hunahunaa ang hapak nga pipila sa mga dili-luwas, kadaghanan sa ila mga masumpakion nga magsusulat ang nagdaot sa panghunahuna sa mga katawhan, samtang nagalingkod sila atubangan sa telebisyon ug gipangayo nila nga tudluan sila niini. Ang tawo nagbahinbahin sa panahon sa telebisyon ug gitawag kini nga “programs o mga programa” ug mao gayud kini ang tukma nga gihimo sa telebisyon sa katawhan. Kini mao ang naghaylo sa kalibutan o katawhan nga magpanghunahuna ingon sa iya nga panghunahuna. Oras sunod oras nga nahurot atubangan niining kahon hilabihan gayud nga nagabuta sa mata sa mga Cristohanon, nga hinungdan nga nagmagahi sila tungod sa sala nga ila nakita nga gipasundayag niining butang pinaagi sa pagbalikbalik tan-aw ug pamati sa pilosopiya niini, nga wala man lang gani nakahibalo niana. Kining hamubo nga panudlo mahitungod sa telebisyon gisulat gayud lamang gikan sa sukaranan sa panghunahuna sa Dios niini nga hilisgutan. Wala kini nagalakip ug bisan unsang hunahuna gikan sa mga psychologists, doctors, educators, ug uban pa.(bisan pa daghan kaayo nga mga gisulat mahitungod sa katalagman sa telebisyon). Bisan unsa nga butang nga gikinahanglan mahitungod sa ato nga kagawian niining kinabuhia human na kini nga nahisulat sa Pulong sa Dios.

Sa dili pa kita magasugod, kinahanglan gayud ako moingon kanimo nga ako mahilig pod magtan-aw sa telebisyon. Usa kini uyamot nga makalingaw ug makahudyaka. Gusto magkatawa ug magpahuwayhuway. Ginahigugma ko mamati sa mga kasayuran nga gihatud pinaagi sa balita. Ginahigugma ko man magtan-aw sa tanan nga klase nga pelikula o salida sa mga sine ug magpalingawlingaw! Ginahigugma ko pa gayud magtan-aw ug gunfights, mahibaloan ko ang suspense, ug mahibaloan ang katapusan sa misteriyo. Dili ko magbakak n gang pagtan-aw ug telebisyon dili makalingaw. Kinahanglan gayud nga ikaw usab makahibalo nga wala ako niini nga butang sa akong balay labi na nga wala na magatan-aw niini sa sulod na sa 14 ka tuig! Kinahanglan man usab nga isulti ko kanimo gayud nga aduna akoy napulo ka kabataan nga nagapuyo kauban nako ug sa akong asawa. Sila dili man motan-aw ug telesbisyon! Unsaon man gud nimo magakinabuhi nga wala telebisyon???? Kami permi gayud makabati niini nga pangutana sa tanan nga panahon. Ang akong tubag mao kini: Ako nagakinabuhi nga wala telebisyon sa mao man nga paagi nga ang matag-usa wala telebisyon sa wala pa mag-abot ang mga telebisyon. Aduna kami family time o panahon sa pamilya; nagabasa kami ug mga libro; nagasulti-anay kami; nagapangamuyo kami; nagagaksanay kami sa balaan nga paggakos; nagahalokay kami sa balaan nga halok; nagatukar kami mga instrumento sa musica; nagatoon kami sa uban nga pinulongan o sinultian; kami nagatinguha gayud nga sundon ang panghunahuna ni Jesus, wala kami nagatugot ni bisan kinsa man nga maghaylo kanamo sa mga dili husto nga panghunahuna sumala sa gihimo sa kadaghanan!!

Mao kini ang una nga kapasikaran ug ang labing mahinungdanon nga nga hinungdan kung ngano nga kinahanglan gayud nga Isalibay Ang Imo Nga TV alang sa Dios(Maayo)! Ang pilosopiya sa telebisyon ginapaluyuhan gayud ni Satanas mismo. Unsa ang ngalan sa yawa? Basaha sa Mga Taga-Efeso 2:2,3, nga nagaingon, “Sa diin kanhi kamo nagalakaw(kagawian sa atong kinabuhi) sumala sa paagi(dalan)niining kalibutan, sumala sa principe sa kagamhanan sa hangin(nga gitudlo kanato atubangan sa telebisyon), ang espiritu nga karon nagabuhat sa mga anak sa pagkadili-masinulondon(ang dili-luwas nagahigugma sa telebisyon ug sa programming niini):Taliwala nila kita tanan usab nanagkinabuhi kaniadto diha sa kailibgon sa atong unod(sa wala pa kita nakahibalo sa kamatooran), nga nanagbuhat sa kabubut-on sa unod ug sa hunahuna(nga diin ang sala nagasugod); ug sa kinaiya sa mga anak sa kaligutgut, bisan ingon usab sa uban.” Si Satanas mao ang nagdumala sa “air waves o kahanginan” ingon man usab sa higayon nga kita makabati sa radyo ug telebisyon “preachers o mga magwawali nga wala nagasangyaw o nagamantala sa kamatooran gikan sa Pulong sa Dios.

Makita nato ang “ mga alagad ni Satanas,” nga mga giila usab nga screen writers, directors, actors, ug uban pa., nagamantala sa ila pilosopiya nga nagpasidungog sa ila amahan (ang yawa), ug atong makita nga ang mga Cristohanon ang ila mga mata nakapilit sa kahon(telebisyon) nga na nadani “programmed” sa mga tulumanon nga batok sa gitudlo sa Biblia. Ang Dios nagpasidaan kanato nga kanhi kita nagakinabuhi sumala sa kalibutanon nga panghunahuna, apan karon kita bag-o na nga mga binuhat diha ni Cristo, ug kinahanglan gayud nga magpanghunahuna kita ingon sa Iya panghunahuna sa pagkabalaan ug pagkamatarung.

Mga Cristohanon karon dili na makahibalo sa matood nga pagka-Diosnon, kon kini naghampak sa ila nawong! Ila nga gitamay ang pagkamatarung u gang pagkabalaan ingon nga “labihan ra kaayo kabalaan” ug “mas balaan pa kanimo.” Sila nagwali “balance” ukon pareho lang gihapon sa kalibutan ug gipawad-an sa kadasig ang mga Cristohanon gikan sa “labihan ra gayud ka langitnon nga panghunahuna.” Si Satanas mahigugmaon gayud niini nga pagtulun-an o pagtudlo! Siya mao gayud ang nagsulat niana nga sermon! Kadaghanan sa mga Cristohanon mas nakahibalo mahitungod sa telebisyon kay sa ila mga Biblia. Kadaghanan sa mga Cristohanon nakahibalo sa mga kahimtangan ug sitwasyon sa ila paborito nga sports team, pero wala gayud sila nakahibalo sa gitudlo sa Biblia mahitungod sa ila mg katungdanan. Nahibaloan nila ang mga ngalan ug kasayuran mahitungod sa mga movie stars, apan dili man gani makahibalo magsag-ulo sa mga libro sa Biblia, mga ngalan sa disipulo o tinun-an, mga ngalan sa mga propeta sa Dios, o sa mga labing mahinungdanon nga pagtulun-an sa Biblia ug hain kini silang dapita makit-an. Human, samtang, ug sa dili pa ang simba ila gihusgutan ang sports, movies, ug telebisyon tungod gihigugma nila kini! Asa ang imo bahandi, didto man ang imo kasingkasing! Kadaghanan sa mga magwawali nagpahimulos sa mas daghan nga panahon sa pagtan-aw sa mga pasundayag sa sports, movies, ug telebisyon subra pa kaysa pagbasa sa ila mga Biblia ug pangamuyo. Ila gibiaybiay ang wala telebisyon ingon nga “nasubrahan katarung nga ermitanyo” aron matabunan ang kakulangon sa ila panahon sa pagkamakidyosnon sa Dios.

Ang pilosopiya sa telebisyon usa ray baruganan – gikan sa kalibutan. Labot pa, kita gidasig gayud sa Pulong sa Dios nga dili gayud kita magkat-on sa pilosopiya sa kalibutan. Jeremias10:2 nagingon kanato, “Mao kini ang giingon sa GINOO, Ayaw pagtoon sa dalan sa mga hentil o pagano.” Aniay usa ka madali nga pangutana (tubaga kini nga matinooron): Unsa nga “dalan” ang gitudlo sa telebisyon? Kung moingon ka nga dalan sa hentil o pagano, daug ka!!! Mga Proverbio19:27 nagmando kanato, “Hunong, anak ko, sa pagpamati sa pahamatngon nga magatudlo lamang ngadto sa kasaypanan nga nagapahilayo kanimo gikan sa mga pulong sa kahibalo.” Kini usa ka mando mahitungod sa telebisyon ug sa pilosopiya niini. Hunong na sa pagpamati sa dili diosnon nga pilosopiya niini.

Unsa nga pilosopiya ang gihisgutan ko diri? Ang pilosopiya o dalan sa pagkinabuhi sumala sa kalibutanon nga panimalay o banay nga wala gayud maghimaya sa Dios ingon nga gituboy pa kini hinoon nga “tinuud.” Ania ang pipila ug madali nga mga talaan:

• Mga Taga-Efeso 5:31 nagtudlo kanato mahitungod sa pagtiayon o kaminyoon, “Tungod niining hinungdan pagabiyaan sa usa ka tawo ang iyang amahan ug ang iyang inahan, ug makighiusa sa iyang asawa, ug sila nga duha mahimong usa ka unod.” Sa telebisyon hilabihan ra gayud ka diyutay ang minyo, kadaghanan nagpuyopuyo. Kini ba nakapahimaya sa Dios.
• Mga Taga-Efeso 5:23 nagsulti kanato mahitungod sa authority structure sa panimalay, “Kay ang bana mao ang ulo sa asawa.” Sa telebisyon, ang bana wala didto, o gihimo lamang nga tumong sa mga tiaw-tiaw o kataw-anan. Ang papel niya kasagaran mao ang pagkabulok, walay hibangkaagan, hen-pecked, o bayot.
• Mga Proverbio 14:9 nagtudlo kanato, “Ang mga buang magtiawtiaw lamang sa sala: apan sa taliwala sa mga matarung adunay maayong kabubut-on.” Ang telebisyon nagtudlo kanato nga ang sala usa kataw-anan nga butang. Nagbiaybiay kini sa pagkamatarung ug nagayubit sa pagkabalaan, bisan pa sa mga balita uban ang ambihas nga mga opinyon nila.
• Mga Taga-Colosas 3:20 nag-ingon sa mga anak, “Mga anak, managtuman kamo sa inyo mga ginikanan sa tanang mga butang: kay kini kahamut-an gayud sa Ginoo.” Ang telebisyon nagtudlo sa mga kabataan sa pagbatok, naga-ipsot sa likod sa ila ginikanan, nagahimo para sa ila lamang kaugalingon, ug uban pa. Mao gayud nga ang imo bata adunay maut nga batasan!
• Tito 2:3-5 nagsulti mahitungod sa katungdanan sa usa ka babaye, Ang tigulang nga babaye ingon usab, nga sila managpakita ug pamatasan ingon angay sa pagkabalaan… Aron makatudlo sila sa mga batan-ong babaye nga magmaugdang o magmaligdong, sa paghigugma sa ilang mga bana, sa paghigugma sa ilang mga anak, maalam, maputli, tagtipig sa panimalay, maayo o malolot, masinugtanon sa ila mga kaugalingon nga bana, aron ang pulong sa Dios dili gayud mapasipalahan.” Ang Telebisyon nagtuglo kanato nga ang kababayehan o mga babaye adunay managsama o pareho nga tahas o katungdanan sa kalalaken-an o mga lalake; nga sila mao ang agalon sa ila kaugalingon; para kanila wala na sila nagkinahanglan ug bana; nga ang mga kabataan balabag sa ila karera o panginabuhi; nga sila adunay katungod sa pagpili nga patyon ang ila kabataan(abortion); nga pwede lang sila makahimo, magakinabuhi, ug magagawi para lamang sa nila kaugalingon nga walay kahadlok sa Dios ug walay kaakuhan o responsibilidad sa paghimo sa Diosnong-hatag nga katungdanan. Mga Cristohanon nga babaye nagpahiuyon o nagpahiangay niini nga panghunahuna ug nagsunod sa panig’ingnan sumala niining mga “actors”. Mao ba kini ang hinungdan ngano nga adunay daghan gayud kaayo nga divorce diha sa taliwala o kadaghanan nga mga Cristohanon????
• 1Juan2:15,16, nagtudlo, “Dili ninyo higugmaon ang kalibutan, bisan ang mga butang nga anaa sa kalibutan, ang gugma sa Amahan wala kaniya. Kay ang tanan nga anaa sa kalibutan, ang mga kailibgon sa unod, ug ang mga kailibgon sa mga mata, ug ang pangandak o garbo sa kinabuhi, dili iya sa Amahan, kondili iya sa kalibutan.” Ang telebisyon nagtuboy o nagpasiugda sa kalingawan, matulin o haguros nga mga sakyanan, lingas nga mga babaye, dako nga mga balay, kabulahan o kausbawan, mga kalibutanon nga kaharuhay, daotan o mahugaw o maulag o mahilas nga pagkinabuhi, ug uban pa. Kini nagpasiugda o nagtuboy sa kailibgon sa unod, sa kailibgon sa mga mata, ug sa garbo sa kinabuhi nga nagsalibay sa mga katawhan sa impyerno ug nagpahalayo kanila sa paghigugma sa Dios sa tibook nila nga kasingkasing. Mga kasingkasing sa mga Cristohanon napunsisukan o nadasukan sa “kailibgon sa uban nga mga butang” ug ang “pagkamalimbungon sa bahandi o katigayunan” nga nagtuuk kanila tungod kay na “programmed” na sila niini.
• Jacobo 4:4 o Santiago 4:4 nagsulti mahitungod sa mga Cristohanon nga nagtan-aw ug telebisyon, “Kamo mga mananapaw nga lalake ug mananapaw nga babaye, wala ba kamo makahibalo nga ang pagpakig-abyan sa kalibutan maoy pagpakig-away sa Dios? Busa ang bisan kinsa nga makig-abyan sa kalibutan nagahimo sa iya kaugalingon nga kaaway sa Dios.” Ang telebisyon nagtudlo kanato nga ang “Dios” gusto nga kita mauswagon. Kini nagatudlo usab nga ang panalangin nga Diosnon mao kana ang yutan-on o dili lungtad o umalagi lamang nga mga butang sama sa mga balay, sakyanan, kuwarta, ug uban pa. Nagtudlo kanato nga ang kalibutan usa ka kahibulungan nga dapit!
• Juan15:19 naghatag katin-awan o nagasaysay nga kita gipili gikan sa kalibutan, “Kong kamo iya pa sa kalibutan, ang kalibutan mahigugma sa mga iya: apan tungod dili na kamo iya sa kalibutan, kondili pinili ko kamo gikan sa kalibutan, busa ang kalibutan nagadumot kaninyo.” Ang telebisyon naghimo sa nagatan-aw nga kabahin sa kalibutan kay kini nagtudlo sa pagnunut o pag-uyon ug hinungdan nga ang Balaan nga Espiritu sa kinasuluran sa mga Cristohanon na nasubo gayud. Bisan pa, dili kita iya sa kalibutan, ug kon ang usa ka tawo nalipay sa pagsud-ong o pagtan-aw sa mga butang nga batok-Biblical nga pilosopiya ug pagtudlo, aduna siyay suliran sa kasingkasing.
• I Mga Taga-Colosas 3:16 nagtudlo kanato unsa ang atong awiton, “Tuguti ang pulong ni Cristo nga magapabilin sa pagpuyo diha kaninyo nga nagahingapin o buhong gayud diha sa tanang kaalam; nga magtinudloay ug magtinambagay kamo sa usa ug usa sa mga salmo, mga ambahan, mga alawiton nga espirituhanon, nga manag-ambahan kamo nga may gracia sa inyong kasingkasing ngadto sa Ginoo.” Mao ba kini nga klase nga pagtudlo mahitungod sa musica nga imo napaminawan sa telebisyon?? Ang musica ug ang mga pagtudlo niini mao ba ang hinungdan nga nag-awit ikaw nga adunay gracia sa imong kasingkasing ngadto sa Ginoo???
• II Mga Taga-Corinto 10:5 nagtudlo kanato sa unsang paagiha magpanghunahuna, “Nga nagalumpag sa mga hunahuna, ug sa tagsa tagsa ka butang nga nagtuboy pahitaas sa iya kaugalingon batok sa kahibalo sa Dios; ug sa pagbihag sa matag-usa nga hunahuna ngadto sa mga di pagkamasinulundon kang Cristo.” Ang pagtudlo ba sa telebisyon nagtuboy pahitaas sa iya kaugalingon batok sa kahibalo sa Dios?? Dili ba kinahanglan nimo gayud lumpagon kadtong mga hunahuna ug mga handuraw nga gipasundayag sa atubangan sa imong mga mata??
• 1 Mga Taga-Corinto 2:4-6 naghatag katin-awan nga adunay usa lamang ka matang nga kaalam nga kinahanglan natong angkunon, “Ug ang akong pagpamulong u gang akong pagwali wala sa mga madanihong pulong sa kaalam, kondili sa pagpadayag sa Espiritu ug sa gahum: Aron ang inyong pagtoo dili igapatukod diha sa kaalam sa mga tawo, kondili diha sa gahum sa Dios. Apan kita nagasulti ug kaalam sa taliwala sa mga hamtong na: apan ang kaalam nga dili niining kalibutan, ni bisan sa mga punoan niining panahona sa kalibutan nga mangawagtang gayud.” Ang telebisyon ba nagabarog diha sa kaalam sa Dios o diha sa gahum sa Balaan nga Espiritu sa Dios o sa kaalam sa tawo nga dili lungtad ug modangat sa walay kapuslanan.
• Lukas 14:26 nagsulti kanato kung unsang paagiha nga ang usa ka tawo mahimo nga tinon-an o disipulo ni Cristo, “Kong may bisan kinsa nga moanhi kanako, ug dili magdumot sa iya kaugalingong amahan, ug inahan, ug asawa, ug mga anak, ug mga igsoong lalake, ug mga igsoong babaye oo, ug sa iya kaugalingong kinabuhi usab dili siya mahimo nga akong tinon-an. Ug ang bisan kinsa nga dili magpas-an sa iya cruz o krus, ug magsunod kanako, dili siya mahimo nga ako nga tinon-an.” Mao ba kini ang hinungdan nga buut ka magdumili sa iya kaugalingon, magpas-an sa imo cruz o krus, ug magsunod sa Ginoo???
• Lukas 16:13 nagpahayag o nag-asoy nga dili ka makaalagad sa pagkamatarung ug dili pagkamatarung, “Walay ulipon nga makaalagad sa duha ka agalon: kay iya nga dumtan ang usa, ug higugmaon ang usa; o sa laing pagkaagi, siya moayon sa usa, ug magtamay sa usa. Dili ka makaalagad sa Dios ug sa bahandi.” Sa unsang pamaagi nga mahimo mo mangalagad sa Dios ug magtan-aw sa telebisyon nga nagtudlo sa bisan unsa nga butang sa walay sipyat o tukma nga sukwahi sa gimando o gisugo sa Ginoo kanimo? Dili ka makaalagad sa Ginoo ug motan-aw sa programming sa yawa sa dugay nga panahon nga dili ma-inpluwensiya sa daotan nga pilosopiya. Imo na ba nga napamalandungan kong unsa ka tulin o ka dali lang gayud kaayo mapanas ang tanan nga maayong gitudlo sa imo batan-on nga bata sa dihang imo sila gibutang atubangan sa telebisyon??
• I Mga Taga-Tesalonica 5:17 “nagamando, “Manag-ampo kamo sa walay undang.” Aduna ka bay maayong panahon sa pag-apo sa atubangan sa telebisyon???
• Mga Taga-Colosas 2:8 nagmando kanato, Magmatngon kamo nga dili mabihag pinaagi sa mga pilosopiya ug sa paglimbong nga walay kapuslanan, sumala sa mga gikabilinbilin nga sugilanon sa mga tawo, sumala sa mga unang pagtolon-an o unang panun-an, ug dili sumala kang Cristo” Ang telebisyon ba nagdaot sa imo panghunahuna pinaagi sa paghatag kanimo niini ug sayop nga pilosopiya ug walay kapuslanan nga limbong? Kini ba nagtudlo kanimo ug sa imo panimalay o pamilya mahitungod sa gikabilinbilin nga sugilanon sa mga tawo ug unang panon-an(baruganan) sa kalibutan? Sa unsang pamaagi nga ang pilosopiya niining telebisyon nakatabang kanimo mangalagad sa Ginoo??

Previous Next Page