Next PageI Mga Taga-Corinto10:31 nagmando sa mga Cristohanon, “Busa kong nagakaon kamo, ukon nagainom, ukon bisan ano ang inyo ginahimo, himoa ang tanan sa kahimayaan sang Dios.” Ini nagalakip sa imo ginalantaw!! Sa anong pamaagi nga mauswagon ang telebisyon?? May ara bala sing mga kalag nga nadaug samtang naglingawlingaw kag nadayaan ang imo kaugalingon?? Nagaganoy bala ini sa imo nga magpalapit sa Ginoo, samtang nagalantaw ka sa kailigbon sa unod, kailigbon sa mga mata, kag ang bugal sa kabuhi? Sa tion nga ginpalong mo ang telebisyon, nagakabalaka ka bala nga magpangamuyo sa pagpasalamat sa Ginoo sa tanan nga mga butang nga imo nalantaw? Nagadayaw ka bala nga ginhatagan ka sa Ginoo sing mga mata, agud mausik ang imo panahon atubangan sa TV (Telebisyon)? Ang “religious broadcasting” nga nagasagol sa kamatuoran nga naghimo sa imo nga balaan subong nga ang Dios balaan?? Ang mga commercials nga naghatag sa imo kasubo sa imo mabudlay mo nga kahimtangan subong upod sa ilang makagalanyat kag sayup nga pilosopiya, nakapahimaya bala ini sa Ginoo??
Si Pablo nagawali upod ang pagtamud nga may ara paghingagaw o pagkamapiliton, bangod nahibaloan niya nga si Jesus malapit na lang gid katama ang iya pagkarii! “ Nan” siling mo, “may ara na subra duha ka libo ka tuig ang nagligad, kag sa gihapon wala pa Siya nag-abot!” O, apang si Jesus nag-abotna. Nag-abot siya para sa ila nga yara sa imo palibot nga nagkalamatay nga indi naka-aman sa pagsugat sa Iya. Si Jesus pwede magkari sa tuman ka hinali nga wala nimo ginpamensar, ukon sa rapture o bangod ang imo panahon natapus na. Handa mo bala kuhaon ang imo television watcher’s crown o corona didto sa langit nga naangkon mo paagi sa sigi mo lantaw television?? Si Pablo nagasiling da sa 1 Mga Taga-Corinto 15:58, “Busa, mga kauturan ko nga hinigugma, magpakalig-on kamo, nga di- mationg, nga nagabugana gihapon sa buluhaton sang Ginoo, sa nahibaloan ninyo nga ang inyo pangabudlay indi walay pulos sa Ginoo.” Suliton ko, sa pagpamangkot, ang pagpunko bala atubangan sa telebisyon kag pagpahanugot sa di-luwas nga tiko kag malinapason nga mag “program” sa imo, nga nagabugana gihapon sa buluhaton sa Ginoo?
II Pedro 3:14 nagahangkat sa aton, “Busa mga hinigugma, sanglit nagahulat kamo sini, magmakugihon agud nga masapwan niya kamo nga walay dagta ukon kasawayan, kag sa paghidait.” Wala bala ikaw dagta kag walay kasawayan nga imo nakuha sa sigi lantaw sa imo telebisyon, sa tion nga magatindog na ikaw sa atubangan sa Ginoo?? I Mga Taga-Corinto1:8 nagasiling, “Nga magapalig-on man sa inyo tubtob sa katapusan, nga walay dagta sa adlaw sang aton Ginoong Jesu-Cristo.” Mga Taga Filipos1:10 nagapahayag, “Agud nga mapinig ninyo ang labing mayo (may ara bala labing maayo nga makita mo sa telebisyon?); kag maputli kamo kag walay kasawayan nga sa adlaw ni Cristo; Nga napun-an sang mga bunga sang pagkamatarung, nga paagi kay Jesu-Cristo, sa kahimayaan kag kadayawan sang Dios.” 1 Mga Taga-Tesalonica 3:13 “Sa katuyuan nga mapalig-on niya ang inyo mga tagiposoon nga di salawayon sa pagkabalaan sa atubangan sa aton Dios kag Amay, sa pag-abot sang aton Ginoong Jesu-Cristo kaupod sang tanan nga balaan.” Paano ikaw mangin “walay kasawayan dira sa pagkabalaan sa atubangan sa Ginoo,” samtang nagalantaw ka sa imo telebisyon?? Indi lamang nga naga-usik ikaw sa imo tyempo, kundi ginpahanugutan mo inang kahon nga hangkat sa imo kon ano nga sahi sang paghiambitanay mo sa Dios!