Next Page
Ini Nagapaluya sang Imo Espirituhanon nga Hunahuna
Ini panugod pa lamang sa mga bersikulo nga makita sa Polong sang Dios nga nagsiling sa aton mahanungod sa pagbungo-anay sa tunga sa pilosopiya sa telebisyon kag sa pagkamatarung sa Dios nga gintudlo sa Iya Polong.
Basaha ang 1Pedro 1:13 “Busa (bangod sini nga kabangdanan) ihanda (palig-onon) lig-onon ninyo ang balat-ang (ang balat-ang amo ang naghuput sa matood nga kusog) sa imong hunahuna (panghunahuna, pamensaron)…”
Si Pedro nagsiling sa aton nga halin pa sadto kita nahatagan sing lunsay nga hulagway kag kita naghuput sa hingpit nga Polong sang Dios (kalakip na ang tanan nga tagna kag ang ila nga mga katumanan), kinahanglan gid naton nga palig-onon ang aton panghunahuna dira sa pagkamatarung agod kita magapamensar suno sa panghunahuna sang Dios. Ang brainwashing ginapamensar nga tuman gid ka malaut, apang ang Biblia nagmando sa aton nga tugutan ang Dios kag ang Iya Polong sa pagtinlo sa aton panghunahuna. Mga Taga-Efeso 5:26, 27 nagasiling, “Agud nga mapakabalaan niya sia bangud sang paghugas sa tubig paagi sang pulong(Brainwashing o Paghugas sa pamensaron!!), Agud ini balaanon niya (ang iglesia nga amo ang mga tawo nga linuwas kag tinawag sang Dios) paagi sa paghugas sa tubig paagi sa polong(Brainwashing o Paghugas sang pamensaron o hunahuna!!), Agud itugyan niya ini( kita nga amo ang iglesia) pakadto sa iya subong nga mahimayaon nga iglesia, nga wala sing higko, o bisan dagta, o bisan ano nga butang nga tulad sini(wala sing bisan ano nga kahigkuan o wala malatnan o wala madalasa sa inpluwesiya sa kalibutan); kondi nga ini(kita, nga amo ang iglesia) kinahanglan gid mangin balaan kag walay ikasaway(subong nga Siya balaan).”
Mga Taga-Efeso 6:14 nagapadayon nga wala sing kapaslawan kag wala sing untat kaupod sa bersekulo13, “Busa magtindog (hibaloon ang imo ginatoohan kag indi magpahiuyon o magkompromiso), nga nawagkusan ang inyo mga hawak (ang kusog sang imo panghunahuna) nga nawagkusan (napalig-on) sing kamatuoran (Polong sang Dios), kag nakasuklob sang limbutong sang pagkamatarong.” Isaias 11:5 amo ang tagna ni Jesus, ang Sanga, nga nagsiling mahanungod sang Iya kusog, “Kag ang pagkamatarong manginwagkus sa iyang hawak, kag ang katutum manginwagkus sang iya balikawang.” Ining brainwashing o paghugas sang pamensaron halin sa panghunahuna kag pagtudlo sa kalibutan pakadto sa matarung kag balaan nga panghunahuna sang Polong sang Dios. Amo ini ang kabangdanan nga yadtong may ara nga telebisyon natapus na sila napeyerde sa patag-awayan sa maputli nga panghunahuna. Abi nila kung indi sila maglantaw sa mga hublas kag indi moral o mga pamuyayaw nga mga palaguwaon nakalusot na sila kag ayos na, apang ang pilosopia sang kalibutan (nga nagaguba sa Cristiyanismo bangod nagatinguha ini nga “nagapauyon” ug “nagaupod upod” kag “nagasunodsunod”) ginakabig ini nga amo ang matood nga kahulugan sa matood kag malaot o balingag sa mga pulpito sang kalibutan!!! Wala sapayan kung ano man ang hunahuna o opinyon sa mga tawo!!!! Ang Dios balaan kag Siya gid nagahulat nga bantayan naton ang aton panghunahuna nga indi madagtaan sa mahigko nga panghunahuna sang kalibutan.
Isa ka adlaw pipila na ka tuig sadto ang nagligad, nga akon napamensaran maglingaw lingaw sa pelikula o sine o cartoons nga kalibutanon agud ang diyutay ko nga pamilya makalantaw nga “pangkalingawan” sa sadto nga gab-i. Nakadto ako sa video store kag nagsugod ako lantaw lantaw sa damo kag nagkasarisari nga movies o pelikula; Samtang nagapamili ako, Ginpamangkot ko ang akon kaugalingon, “Ini bala naghangkat sa akon sa paghunahuna sing balaan nga hunahuna kag mahimaya bala sini ang Dios?” Maayo, ina nagasikway sa palaguwaon o pelikula nga “cops and robbers” movies, kag tanan nga children’s cartoons(puno sang kabangis, kabutigan, katalaw, pagpangdaya, kag indi matarung nga pamatasan, kag iban pa.), ang tanan nga movies o pelikula nga mahanungod sa “panimalay o pamilya” (wala tatay, wala pamilya, kag wala pati Biblia), tanan nga “westerns” (puno sang mga saloons, kabangis, mga babaye, walay panahon magkadto sa simbahan, wala sing pagtoon sa Biblia, kag wala pa gid sing panahon sa pagpangamuyo), ang tanan nga Andy Griffith Show nagabalikbalik(wala sing disiplina, wala pangamuyo, wala Jesus, kag wala sing Biblia – tuman gid ka malaot nga pilosopiya mahanungod sa pag-atipan ka mga bata), kag ang tanan nga “religious Hollywood movies katulad sang The Ten Commandments o Napulo ka Sugo(nga nagtalang kag indi suno sa kasulatan; may-ara pagsinaot, mahilas o indi maugdang nga pamayo kag mabihagon nga asawa ni Paraon, kag iban pa.).
Ginbiyaan ko ang store nga dala ko ang kopya sang The Ten Commandments o Napulo ka Sugo, kag gilayun nasub-an gid ako sing tuman pagkatapus ko lantaw. Nangayo ako gilayon sing patawad sa Ginoo, tapus ko nalantaw yadtong isa ka basura nga Biblical Story nga akon nakita. Indi pagtuguti nga ang Hollywood maga-inpluwensiya sa imo nga maputli nga panghunahuna kag indi pagtuguti nga ang Disney magamando sa imo kabataan kung ano nga pamaagi sila magapanghunahuna. Ang tanan nga cartoons may ara pilosopiya nga nagasupak gilayon batok sa Biblia. Sa diin na ang pagkabalaan sang Dios sa ila??? Sa diin na ang matarung nga hunahuna o panghunahuna sang Dios sa ila? Paano nila pagtabangan nga mapa-uswag ang ebanghelyo??? Sa ano nga pamagi ini nagpalapit sa imo sang Ginoo o naghangkat bala ini sa imo nga magpangamuyo pa gid sing dugang o magbasa pa gid sing dugang sa imo Bibliya??? Sa diin na ang gintudlo nga pagkakuntento kag pagsupak sa kaugalingon nga unodnon nga kailigbon (commercials nagabun-ag sing indi pagkakuntento)? Pila ka bilog nga kabataan nga wala ginasapak o pinabay-an lang sa ila mga amay kag mga iloy nga nagakalaglag sila sa ila paborito nga “filthcom o kahigku-ancom” o “sincom o salacom”???????
Basaha ini nga mga bersikulo kag dayon maglantaw ka sa imo telebisyon kag sugiri ako nga kung bala ini nakabulig gid sa imo sa “pagpalig-on sa hawak sa imo panghunahuna” subong nga ginsugo diri.
Mga Taga- Roma 12:2 nagsiling sa aton, “Kag dili kamo magpauyon sa sining kalibutan: kondi magbalhin kamo paagi sa pagbag-o sang inyo painoino, agud nga inyo matilawan kon ano ang maayo kag kalahamut-an, kag himpit, nga kabubut-on sang Dios.”
Si Jesus nagapamulong mahanungod sa imo nga painoino sa Lukas 12:34 “Kay kon diin ang inyo bahandi o manggad, didto man ang inyo tagiposoon.” Bersikulo 35 nagpadayon sa pagsiling, “Wagkusi ang inyo mga hawak kag padabdaba ang inyo mga suga.” Ang kada isa ka sala nga nahimo naghalin o nagasugod kag ginapamalandungan sa painoino o panghunahuna. Amo ini ang kabangdanan kung ngaa ginsiling gid ini sa aton ni Pablo nga makita sa Mga Taga- Roma 16:19, “… kag buut ko nga magmaalam kamo sa maayo, kag mag walay daya sa malaot.” Sa tion nga nagadamo ang kahigkuan o kangil-aran, indi husto nga pilosopiya o sayup nga pilosopiya, kalibutanon, pagkahublas, pagkaunodnon, bastos nga pulolongon, kag wala sing pagkakontento o katagbawan nga amo ang natanom sa mga painoino sa mga Cristohanon, amo nga tuman gid kahapos kay Satanas maghimo sang mga bagay nga mahulog ang isa ka Cristohanon sa pagpakasala kag magtalang sa pag-usoy gikan sa matood nga dalanon pakadto balik sa kalibutan, kag mabudlay pa gid para sa isa ka Cristohanon magakabuhi sa pagkabalaan. Ini nga brainwashing tuman gid kamapuslanon bangod ang aton nga painoino o panghunahuna indi subong o tulad sa panghunahuna sang Dios, nga sa Isaias 55:8 nagsiling sa aton nga ang Dios wala nagapanghunahuna tulad sa aton painoino; apang naangkon naton ang panghunahuna ni Cristo (1 Mga Taga-Corinto 2:16, nga ini makita gid sa Iya Polong, kag amo ini ang aton hilikuton ang pagtoon (II Timoteo 2:15 ) sa pagpakita sa aton kaugalingon nga pinakamaayo sa Dios.
Sa tion nga aton ginpahanugutan ang Polong sang Dios , ang aton panghunahuna kag painoino nagabag-o sa tion nga aton nahibaloan suno sa aton nabasa da sa kasulatan nga kita pangayaw kag dumuloong sa sining kalibutan kag nga ang aton kabuhi kaangay lamang sa usbong; nga indi kita magtipon sing bahandi o manggad (nagakabalaka mahanungod sa puhunan , kag iban pa.); nga sa tion nga mas nagakabuhi nga kalibutanon kag natudloan o na doktrinahan ni Satanas mismo, Siya nga amo ang amay sa tanan nga nagalakip diha sa programming!!!