Pipila Sa Mga Madasig Nga Kabangdanan Ngaa Dapat gid Nga Ihaboy ang Imo (TV) Telebisyon para sa Dios (Maayo)!

Ang tuman ka makatilingala nga ginhimo sang tawo amo gid ining isa, ang tuman gid nga makahalit nga kahimanan nga amo ang kabangdanan sa bug-os nga pagliwat sa ihibalo ug kinaugali sa kalibutan.Paminsara ang hampak nga pipila sa mga indi-luwas, kadamuan sa ila mga mabinatoon nga manugsulat ang naghalit sa panghunahuna sa mga katawhan, samtang nagapungko sila atubangan sa telebisyon kag ginpangayo nila nga tudluan sila sini. Ang tawo nagpahatpahat sa panag-on sa telebisyon kag gintawag ini nga “programs o mga programa” kag amo gid ini ang nagakaigo nga ginhimo sa telebisyon sa katawhan.Ini amo ang nag-inpluwensiya sa kalibutanon nga panghunahuna. Oras dason oras nga naubos atubangan sining kahon tuman gid ini nga nagbulag sa mata sa mga Cristohanon, nga amo ang kabangdanan nga nagtig-a ang ila tagipusoon tungod sa sala nga ila nakita nga ginapalabas sini nga bagay paagi sa pasulitsulit lantaw kag pamati sa pilosopiya sini, nga wala man gani nakahibalo sa kahalitan nga nangin dulot sini. Ining malip-ot nga pagtudlo mahanungod sa telebisyon ginsulat gid lamang halin sadsaran nga amo ang panghunahuna sang Dios sini nga hilisgutan. Wala ini nagalakip sa bisan anong hunahuna halin sa mga psychologists, doctors, educators, kag iban pa.(bisan pa damo kaayo nga mga ginsulat mahanungod sa kapeligrohan sa telebisyon). Bisan ano nga bagay nga panginahanglan mahanungod sa aton nga pagginawi sini nga kabuhi ini tapus na nga nalatid sa Pulong sang Dios.

Sa indi pa kita maga-umpisa, kinahanglan gid ako maghambal sa imo nga ako mahilig man maglantaw sa telebisyon. Isa ini ka makalilingaw gid kag masadya. Luyag ko kasami makakadlaw kag makapahuwayhuway. Ginahigugma ko magpamati sa mga kasayuran o paghisgut-hishot nga ginadul-ong paagi sa balita. Ginahigugma ko man maglantaw sa tanan nga klase nga pelikula o palaguwaon sa mga sine kag magpalingawlingaw! Ginahigugma ko pa gid maglantaw sang gunfights, makahibaloan ko ang katapusan sa suspense o ang misteryo sini. Indi ako magbutig nga ang paglantaw sang telebisyon tuman gid nga makalingaw. Kinahanglan o dapat gid nga ikaw makahibalo nga wala ako sini nga butang sa akon balay labut pa wala na ako magalantaw sini sulod na sa 14 ka tuig!Kinahanglan ko pa gid nga isugid ko sa imo nga may-ara ako napulo ka kabataan nga nagapuyo kaupod nakon kag sa akon asawa. Sila indi man maglantaw sa telesbisyon! Anhon o papaano ikaw magkabuhi nga wala sang telebisyon???? Kami permi gid makabati sini nga pamangkutanon sa tanan nga panahon. Ang akon sabat amo ini: Ako nagakabuhi nga wala telebisyon sa amo man nga paagi nga ang kada isa wala telebisyon sa wala pa mag-abot ang mga telebisyon. May-ara kami family time o panahon sa pamilya; nagabasa kami sa mga libro; nagahambalanay kami; nagapangamuyoay kami; nagahaksanay kami sa balaan nga paghakos; nagahalokay kami sa balaan nga halok; nagatukar kami sa mga instrumento sa musica; nagatoon kami sa iban nga hinambalan o lenguwahe; kami nagatinguha gid nga sundon ang panghunahuna ni Jesus, wala kami nagatugot kay bisan sin-o man nga maghaylo sa amon sa mga indi husto nga panghunahuna suno sa ginhimo sa kadam-an!!

Amo ini ang una nga kabangdanan kag ang labi nga mapuslanon nga nga hinungdan kung ngaa nga kinahanglan gid nga Ihaboy Ang Imo Nga TV para sa Dios (Maayo)! Ang pilosopiya sa telebisyon ginapaluyuhan gid ini ni Satanas mismo. Ano ang ngalan sa yawa? Basaha sa Mga Taga-Efeso 2:2,3, nga nagasiling, “Diin kamo anay naggawi(kagawian sa aton kabuhi) suno sa pamaagi(dalanon) sining kalibutan, suno sa puno sang kagamhanan sang kahawaan (nga gintudlo sa aton atubangan sang telebisyon), ang espiritu nga karon nagapanghikot sa tunga sang katawohan nga di-masinulondon (ang indi-luwas nga nagahigugma sa telebisyon kag sa programming sini): Sa tunga sini nagpangabuhi anay kita nga tanan sa mga kailigbon sang aton lawas (sang wala pa kita makahibalo sa kamatuoran), nga nagasunod sang mga handum sang lawas kag sang hunahuna (nga diin ang sala nagsugod), kag sa amo nga kinaugali mga anak kita sang kasingkal subong sang iban nga katawohan.” Si Satanas amo ang nagdumala sa “air waves o kahawaan o kahanginan” sa amo man nga paagi sa kahigayunan nga kita makabati sa radyo kag telebisyon “preachers o mga manugwali nga wala nagawali o nagabantala sa kamatooran halin sa Pulong sa Dios.

Makita naton ang “ mga alagad ni Satanas,” nga mga ginkilala nga screen writers, directors, actors, kag iban pa., nagabantala sa pilosopiya nila nga nagadayaw sa ila amay nga amo (ang yawa), kag aton makita nga ang mga Cristohanon ang ila mga mata nakadikit sa kahon(telebisyon) nga nabihag sa “programmed” sa mga tulumanon nga batok sa gitudlo sa Biblia. Ang Dios nagpaandam sa aton nga sadto kita anay nagakabuhi suno sa kalibutanon nga panghunahuna, apang subong kita bag-o na nga mga tinuga sa kay Cristo, kag kinahanglan gid nga magahunahuna kita subong sa Iya panghunahuna sa pagkabalaan kag pagkamatarung.

Mga Cristohanon subong indi na makahibalo sa matood nga pagka-Diosnon, kon ini naghampak sa ila guya! Ila nga gintamay ang pagkamatarung kag ang pagkabalaan subong nga “natam-an gid kabalaan” kag “mas balaan pa kay sa imo.” Sila nagawali “balanse “ukon amo lang gihapon sa kalibutan kag ginpadulaan sa kasidla ang mga Cristohanon gikan sa “tuman gid ka langitnon nga panghunahuna.” Si Satanas mahigugmaon gid sini nga pagtulun-an o panudlo! Siya amo gid ang nagsulat sina nga sermon! Kadam-an sa mga Cristohanon mas nakahibalo mahanungod sa telebisyon kay sa ila mga Biblia. Kadam-an sa mga Cristohanon nakahibalo sa mga kahimtangan ug sitwasyon sa mga paborito nila nga sports team, pero wala gid sila nakahibalo sa gintudlo sa Biblia mahatungod sa ila nga mga katungdanan. Nahibaloan nila ang mga ngalan kag kasayuran mahanungod sa mga movie stars, apang indi man gani makahibalo magsa-ulo sa mga libro sa Biblia, ngalan sa mga disipulo o gintutun-an, ngalan sa mga propeta sang Dios, o sa mga labi ka mahinungdanon nga pagtudlo sa Biblia kag sa diin ini sila makit-an. Matapus, samtang, kag sa indi pa ang simba ila ginasugilanon ang sports, movies, kag telebisyon tungod ginhigugma nila ini! Sa diin ang imo manggad, didto man ang imo tagipusoon! Kadam-an sa mga manugwali, nagpahimulos sa mas madamo pa nga panahon sa paglantaw sa mga palaguwaon sa sports, movies, kag telebisyon subra pa kaysa pagbasa sa ila mga Biblia kag pangamuyo. Ila nga ginayaguta ang wala telebisyon subong nga “nasubrahan kamatarung nga ermitanyo” agod matabunan ang kakulangan nila sa panahon sa pakipagsugilanon sa Dios.

Ang pilosopiya sa telebisyon isa lang ang tinindugan – halin sa kalibutan. Labot pa, kita ginpalig-on gid sa Pulong sang Dios nga indi gid kita magtoon sa pilosopiya sa kalibutan. Jeremias10:2 nagsiling sa aton, “Amo ini ang ginsiling sang GINOO, Dili kamo magtoon sang dalanon sang mga pungsod o sang mga pagano o sang mga hentil.” Ari ang isa ka madali nga pamangkutanon (sabta ini nga maminatud-on): Ano nga “dalan” ang gintudlo sa telebisyon? Kung magsiling ka nga dalan sa hentil o pagano, daug ka!!! Mga Hulubaton19:27 nagsugo sa aton, “Untat ka, anak ko, sa pagpamati sing pagtudlo lamang sa pagsayup gikan sa mga polong sang ihibalo.” Ini isa ka sugo mahanungod sa telebisyon kag sa pilosopiya sini. Untat na sa pagpamati sa indi diosnon nga pilosopiya sini.

Ano nga pilosopiya ang ginsiling ko di? Ang pilosopiya o dalanon sa pagkabuhi suno sa kalibutanon nga panimalay nga wala gid makahimaya sa Dios subong nga ginbayaw pa gid ini nga “matood.” Ari ang pipila kag madali nga mga talamdan:

• Mga Taga-Efeso 5:31 nagtudlo sa aton mahanungod sa paghiliupod o pag-asawahay, “Sa sining kabangdanan ang lalaki magbiya sa iyang amay kag iloy, kag magahiusa sa iya asawa, ka gang duha mangin-isa.” Sa telebisyon tuman lamang gid ka diyutay ang mag-asawa o kasal, kadam-an mga nagapuyopuyo lamang. Ini ba nga bagay nakapahimaya sa Dios?
• Mga Taga-Efeso 5:23 nagsiling sa aton mahanungod sa authority structure sa panimalay, “Kay ang bana amo ang ulo sa asawa.”Sa telebisyon, ang bana wala didto, o ginhimo lamang nga kaladlawan. Ang papel niya kasami amo nga siya indi makabalo,hen-pecked, o agi
• Mga Hulubaton 14:9 nagtudlo sa aton, “Ang mga buangbuang nagalabutaw sa sala: apang sa tunga sang mga matarung may maayong kabubut-on.” Ang telebisyon nagtudlo sa aton nga ang sala isa kaladlawan nga butang. Nagayaguta ini sang pagkamatarung kag nagayubit sa pagkabalaan, bisan pa ang mga balita upod ang ambihas nga mga opinyon nila.
• Mga Taga-Colosas 3:20 nagsiling sa mga anak, “Mga kabataan, tumana ang inyo mga ginikanan sa tanan nga butang: kay ini kalahamut-an sa Ginoo.” Ang telebisyon nagtudlo sa mga kabataan sa pagbato, nagatalikod sa ila nga ginikanan, nagahikot para lamang sa ila kaugalingon, kag iban pa. Amo gid nga ang imo bata may ara malaut nga batasan!
• Tito 2:3-5 nagahambal mahanungod sa katungdanan sa isa ka babaye, “Laygayi ang magulang pa nga mga babayi man, nga magmatinahoron sa paggawi kaangay sa pagkabalaan… Kag sa amo hanason ang mga pamatan-on nga mga babayi nga magbut-anan, sa paghigugma sa ila mga bana, sa paghigugma sa ila nga mga anak, maalamon, putli, matinatapon sa balay o panimalay, malolo, kag mapasinakupon sa kaugalingon nila nga mga bana, agud ang nga indi mapasipalahan ang polong sang Dios.” Ang Telebisyon nagtuglo sa aton nga ang kababayihan o mga babayi may ara nga magkatulad nga katungdanan o hilikuton sa mga lalaki; nga sila amo ang agalon sa ila kaugalingon; para sa ila wala na sila nagkinahanglan sa ila mga bana; nga ang mga kabataan o mga bata upang sa ila karera o pangabuhi; nga sila may ara katungod sa pagpili nga patyon ang ila kabataan(abortion); nga pwede lang sila makahimo, magakabuhi, kag magagawi para lamang sa nila kaugalingon nga walay kahadlok sa Dios kag walay palangakuan o responsibilidad sa paghimo sa Diosnong-hatag nga katungdanan o responsibilidad. Mga Cristohanon nga babayi nagpahiuyon sini nga panghunahuna kag nagsunod sa pagsulundan suno sining mga “actors”. Amo bala ini ang kabangdanan kung ngaa nga madamo gid kaayo nga divorce da sa tunga o sa kadam-an nga mga Cristohanon????
• I Juan2:15,16, nagtudlo, “Dili ninyo paghigugmaon ang kalibutan, ukon ang mga butang nga yara sa kalibutan, ang gugma sa Amay wala iya. Kay ang tanan nga yara sa kalibutan, ang mga kailigbon sang unod, kag ang mga kailigbon sang mga mata, kag ang bugal sang kabuhi, indi iya sang Amay, kondi iya sang kalibutan.” Ang telebisyon nagbayaw sa kalingawan, madasig nga mga salakyan, kalibutanon nga mga babayi, dalagko nga mga balay, kauswagan, mga kalibutanon nga kalipayan, malaut o mahigko o maulag o mahilas nga pagkabuhi, kag iban pa. Ini nagpasiugda o nagbayaw sa kailigbon sang unod, sa kailigbon sang mga mata, kag sa bugal sang kabuhi nga naghaboy sa mga katawhan sa impyerno kag nagpahamulag sa ila gikan sa paghigugma sang Dios sa bug-os nila nga tagipusoon. Mga tagipusoon sa mga Cristohanon napun-an o nadaskan sang “kailigbon sa pipila o iban nga mga butang” kag ang “pagkadayaon sa manggad o pagkabutang” nga nagkuga sa ila kay bangod na “programmed” na sila sini.
• Jacobo 4:4 o Santiago 4:4 nagsiling mahanungod sa mga Cristohanon nga nagalantaw sang telebisyon, “Kamo nga makilahion nga lalaki kag makilahion nga babayi, wala bala kamo makahibalo nga ang pagpakig-abyan sa kalibutan amo ang pagpakig-away sa Dios? Busa ang bisan sin-o nga magpakig-abyan sang kalibutan kaaway siya sang Dios.” Ang telebisyon nagtudlo sa aton nga ang “Dios” gusto nga kita mag-uswag. Ini nagatudlo man nga ang pagpakamaayo nga Diosnon amo ina ang dutan-on o indi nagaluntad o umalagi lamang nga mga butang tulad sa mga balay, salakyan, kuwarta, kag iban pa. Nagtudlo sa aton nga ang kalibutan isa ka makatilingala o matahum nga duog!
• Juan15:19 naghatag katin-awan o nagapahayag nga kita ginpili halin sa kalibutan, “Kon kamo iya sang kalibutan, ang kalibutan magahigugma sang iya kaugalingon: apang bangod nga kamo indi iya sang kalibutan, kondi ginpili ko kamo gikan sa kalibutan, busa ang kalibutan nagadumot sa inyo.” Ang telebisyon naghimo sa nagalantaw nga kaupod o katapo sa kalibutan kay ini nagtudlo sa pagpauyon kag kabangdanan nga ang Balaan nga Espiritu sa kinasuluran nga bahin sa mga Cristohanon tuman gid nga nasub-an. Labot pa, indi kita iya sa kalibutan, kag kon ang isa ka tawo nalipay sa paglantaw sa mga butang nga batok sa Biblical nga pilosopiya kag panudlo, may-ara siya sing problema sang iya tagiposoon..
• I Mga Taga-Colosas 3:16 nagtudlo sa aton kon ano ang dapat naton nga ambahon, “Tuguti ang polong ni Cristo sing mabugana-on; sa nagatinudloanay kag nagalinaygayanay kamo, sa bug-os nga kaalam kag may mga salmo kag mga ambahanon kag mga kalantahon nga espirituhanon sa pagpasalamat sa Dios sa inyo nga tagiposoon.” Amo bala ini nga klase nga pagtudlo mahanungod sa musika nga imo nabatian sa telebisyon?? Ang musika kag ang mga pagtudlo sini bala ang kabangdanan kung ngaa nag-amba ikaw nga may ara gracia o bugay sa imong tagiposoon patuhoy sa Ginoo???
• II Mga Taga-Corinto 10:5 nagtudlo sa aton sa anong pamaagi magapamensar, “Kami nagalumpag sang mga hunahuna kag sang tagsa ka bugalon nga kaulangan batok sa pagkilala nahanungod sa Dios, kag nagabihag sang tagsa ka hunahuna sa pagtuman kay Cristo.” Ang pagtudlo bala sa telebisyon nagbayaw paibabaw sa iya kaugalingon batok sa pagkilala nahanungod sa Dios?? Indi bala kinahanglan mo gid lumpagon yadtong mga hunahuna kag mga paminagbinag nga ginpaguwa sa atubangan sa imo nga mga mata??
• 1 Mga Taga-Corinto 2:4-6 naghatag sing kaathagan nga may-ara isa lamang ka klase nga kaalam nga kinahanglan gid naton nga paga-angkunon, “Kag ang akon polong kag akon pagwali indi sa dalayawon nga polong sang kaalam, kondi sa kahayagan sang Espiritu kag sang gahum: Agud nga ang inyo pagtoo indi mapahamtang sa kaalam sang mga tawo, kondi sa gahum sang Dios. Walay sapayan nagahambal kami sing kaalam sa tunga sang mga hamtong: bisan ining kaalam indi iya sining, ukon ila sang mga punoan sining kalibutan, nga pakawalaon.” Ang telebisyon bala nagatindog da sa kaalam sang Dios o da sa gahum sang Balaan nga Espiritu sang Dios o sa kaalam sang tawo nga indi nagalungtad kag nagalambot sa wala sing kapuslanan?
• Lukas 14:26 nagsiling sa aton kung sa ano nga pamaagi nga ang isa ka tawo mangin isa ka gintoton-an o disipulo ni Cristo, “Kon ang bisan sin-ong tawo nagakari sa akon kag wala nagadumut sang iya kaugalingon nga amay kag iloy, kag asawa kag mga anak kag mga utud nga lalaki kag mga utud nga babayi, hoo, kag bisan sang iya kaugalingon nga kabuhi, indi sia mangin akon gintoton-an.” Amo bala ini ang kabangdanan nga luyag ka magsikway sa imo kaugalingon, magpas-an sa imo krus, kag magsunod sa Ginoo???
• Lukas 16:13 nagpahayag o nagsiling nga indi ka makaalagad sa pagkamatarung kag indi pagkamatarung, “Walay sologoon nga makaalagad sa duha ka agalon: kay magadumot siya sa isa, kag magahigugma sa isa; ukon magadampig sia sa isa, kag magatamay sa isa. Indi kamo makaalagad sa Dios kag sa manggad.” Sa ano nga paagi nga mahimo mangalagad sa Dios kag maglantaw sa telebisyon nga nagtudlo sa bisan ano nga bagay sa wala sing pangduhaduha o tuman nga sikwahi sa ginmando o ginsugo sa Ginoo sa imo? Indi ka makaalagad sa Ginoo kag maglantaw sa programming sa yawa sa malawig nga panahon nga indi ma-inpluwensiya sa malaot nga pilosopiya. Imo bala nga napamalandungan kon ano ka dasig o kadali gid lang kaayo mapanas ang tanan nga maayo nga gintudlo sa imo pamatan-on nga bata sa tion nga imo sila ginbutang sa atubangan sang telebisyon??
• I Mga Taga-Tesalonica 5:17 “nagasugo, “Magpangamuyo sa walay langan” May-ara ka bala sing maayong panahon sa pagpangamuyo sa atubangan sang telebisyon???
• Mga Taga-Colosas 2:8 nagsugo sa aton, “Andam kamo nga walay maglimbong sa inyo paagi sa pilosopiya kag daya nga walay pulos, suno sa tawhanon nga pinalatonlaton ng sugid suno sa nahauna gid nga pagtulon-an sang kalibutan, kag indi suno kay Cristo.” Ang telebisyon bala nagahalit sa imo nga panghunahuna paagi sa paghatag sini sa imo sing sayop nga pilosopiya kag walay pulos nga daya? Ini bala nagtudlo sa imo kag sa imo panimalay o pamilya mahanungod sa pinalatonlaton nga sugilanon sa mga tawo kag unang pagtulun-an (tinindugan) sa kalibutan? Sa anong paagiha nga ang pilosopiya sining telebisyon nakabulig sa imo sa matood- tood nga pagpangalagad sa Ginoo??

Previous Next Page